Labing menos 30 ka tawo ang gikatahong namatay human nahugno ang usa ka artisanal gold mine sa kasadpang bahin sa Central African Republic, duol sa utlanan sa Cameroon.
Sumala sa mga opisyal, nahitabo ang insidente niadtong Martes sa baryo sa Zamboye, pipila lang ka kilometro gikan sa lungsod sa Garoua-Boulai sa silangang Cameroon.
Matud ni Souleymane Bi, deputy mayor sa Nana-Mambere prefecture, 30 na ka lawas ang nakuha sa mga rescue worker ug mga residente gikan sa nahugno nga minahan sulod sa pipila ka oras. Aduna usab mga samaron nga minero nga gidala alang sa pagtambal.
Gihulagway sa usa ka minero nga si Cedric Mbango ang insidente nga usa ka katalagman, tungod kay kalit nga nahugno ang yuta ug natabonan ang mga tawo.
Kasagarang mahitabo ang pag-collapse sa gagmayng mga minahan sa Central African Republic, diin liboan ka tawo ang nagtrabaho sa artisanal o small-scale mining nga kasagaran walay igo nga proteksyon, hinungdan nga delikado ug kasagarang makamatay ang mga aksidente.
