GENERAL SANTOS CITY – Gitugyan na sa Pendatun Police Station sa City Environment and Resources Office kon CENRO-Gensan ang tulo ka top down sa uling human nga nakumpiska sa Kasoy St Brgy. Dadiangas West ning syudad sa miaging adlaw.
Matud pa kang PSrInsp. Reynaldo de Armas, deputy station commander sa maong presinto, ang CENRO na ang magtugyan sa DENR ug depende na sa ilaha kung unsaon ang mga naasoyng uling.
Gibutyag niini, walay gipakitang permit ang mga naasoyng uling hinungdan nga gipangumpiska sa Mobile alert Team sa Pendatun Police station sa pagpanguna ni Po3 Joel Kuyos.
Sa pamahayag ni De Armas, gikan sa Sarangani ang mga uling og ginapaagi sa dagat.
Ginadunggo sa baybayon sa Brgy Dadiangas West ning syudad ang mga uling kung asa may nga tawong nagpabot aron maoy bahala nga mag-dispose niini sa GenSan.
Nasayran nga gipanag-iyahan ang mga uling nilang Albo Dagok, Alvon Querante ug Jonathan Nadaran mga residente sa Lun Padidu Malapatan Sarangani Province..
