GENERAL SANTOS CITY -Nagpaalim pa sa balay tambalanan ang tulo ka biktima sa karambola sa bongo truck, traysikad, motorsiklo og traysikel sa National Highway Junction PRO-12 sa Brgy Tambler ning dakbayan.
Kagahapon sa buntag, nagresulta sa paghuot sa dagan sa trapiko human ang natigayong banggaanay sa junction road kung asa nagpahigayon ang pulis ug checkpoint.
Sa imbestigasyon, paspas ang padagan sa bongo dihang kalit nga mikanaug gikan sa junction road sa PRO 12 ug giararo na ang traysikad, motorsiklo og traysikel.
Gikabutyag nga gikan sa Koronadal ang bongo og mangumpra og isda sa Fishport.
Tungod sa kakusog sa impact sa pagkabangga, nalabay ang mga sakay sa traysikad hinungdan nga nadala sa ospital sila si Joselyn Velasquez nga nakaangkon ug minor inuries apan gisuta pa sa ospital ang kaubang pasahero nga si Cristopher Barquin human nga nakaangkon og head injury.
Samtang samaron usab ang driver sa motorsiklo nga si Elvis Cornillos.
Nakakustodiya na sa Traffic Management Unit ang mga nalambigit sa karambola samtang gipaabot sa kapulisan ang mga samarong biktima.
