3 patay sa train station attack sa Taiwan

Tulo ka tawo ang namatay human sila gidunggab sa usa ka lalaki sa sentro sa Taipei.

Namatay ang suspek human miambak gikan sa usa ka bilding samtang gigukod sa mga pulis.

Matod sa mga awtoridad, ang suspek nagbilin og smoke bomb sa main train station ug mibalhin sa duol nga subway station sa usa ka busy nga shopping district.

Didto, gisugdan sa suspek ang pagdunggab sa mga tawo sa tren.

Matod sa mga awtoridad, ang suspek adunay criminal record ug adunay outstanding warrants.

Padayon nga giimbestigahan sa mga awtoridad ang insidente.