Tulo ka tawo ang namatay human mibuto ang usa ka bomba sa sulod sa usa ka kan-anan sa Moscow, Russia.
Base sa inisyal nga imbestigasyon sa mga awtoridad, nahitabo ang pagbuto sa Kudrinskaya Square, diin 21 pa ka tawo ang nasamdan sa insidente.
Matud sa National Anti-Terrorist Committee (NAK), usa ka babaye ang nagdala sa maong bomba ug misulay sa pagsulod sa usa ka restawran.
Apan sa dihang gipugngan siya sa mga personnel sa wala pa makasulod, mibuto ang bomba. Ang babayeng suspek lakip sa tulo ka namatay sa insidente.
Dali nga mitubag ang mga rescue team ug mga otoridad aron tabangan ang mga biktima ug seguruhon ang lugar, samtang gidala sa ospital ang mga samaron alang sa pagtambal.
Padayon pang giimbestigahan sa mga awtoridad ang motibo sa suspek sa pagdala sa eksplosibo ug gisusi usab kung adunay kauban o koneksyon kini sa ubang grupo. Gipalig-on usab ang seguridad sa maong lugar aron malikayan ang susamang insidente.
