Tulo ka tawo ang kompirmadong namatay samtang upat pa ang padayon nga ginapangita sa grabe nga pagbaha nga tungod sa bagyong Mirasol sa Valencia City, Bukidnon sa miaging gabii.
Apektado ang lima ka barangay nga gilangkoban sa Poblacion, Barobo, Lumbo, Bagontaas ug Sugod.
Kagahapon, gikanselar ang tanan lebel sa klase sa apektadong lugar.
Namahayag si Provincial Lokal Risk Reduction and Management Office head Israel Johan M. Damasco Jr. nga dinaliang gi-deploy ang mga rubber boats ug dump truck aron respondehan ang mga biktima sa baha.
Samtang didto sa Maramag, nangayo’g dugang tabang ang lokal nga buhatan gikan sa Bureau of Fire Protection, kapulisan, kasundaluhan ug nagkalain-laing ahensya aron makaresponde sa kalit nga pagbaha.
Sa pagpanubay sa BOMBO NEWS TEAM, usa sa mga namatay si Doc Larry Labay sa Sugod Integrated School, nagpuyo sa Purok 20, Poblacion, Valencia City kinsa naanod sa tubig baha kagabii .
