GENERAL SANTOS CITY- Mitahan sa ilang kaugalingon ang tulo ka miyembro sa New People’s Army (NPA) sa 27th Infantry Battalion sa Barangay Maan, T’boli, South Cotabato.
Giila ang mga nagsurender nga rebelde nga silang Rolly Bab Varonia, Rustom Milog Wanday og Dennis Munday Jamora.
Matud kang Lt. Col. Jones Brisal Otida, commander sa maong batalyon, nagkalain-laing paagi ang ginahimo sa NPA aron maka-aghat ug mga muoban sa ilang grupo.
Sama na lamang matud pa sa saysay sa usa ka surenderee nga sila gisaaran sa NPA nga suportahan sa pinansyal nga panginahanglanon sa ilang pamilya kung sila muanib sa grupo apan pipila ka bulan na ang nakalabay, wala gihapon silay nadawat nga hinabang.
Samtang andam usab ang gobyerno para hatagan ang tulo ka rebelde og livelihood assistance aron subling makasugod og bag-ong kinabuhi.
