GENERAL SANTOS CITY -Tulo ka mga miyembro sa New Peoples Army kon NPA ang magsurender sa 38th Infantry (WE CLEAR) Battalion sa Palimbang, Sultan Kudarat.
Gibutyag ni Lt. Col. Anhouvic Atilano, Commanding Officer sa 38IB, nga ang mag-amahang silang alyas ‘Dennis’ and ‘Kalbo’ nga miyembro sa Platoon Cherrymobile sa Sub-Regional Committee Daguma ang nagbalik sa sabakan sa gobyerno.
Bitbit sa duha sa ilang pagsurender ang usa ka shotgun og caliber .45 pistol nga may unom ka mga bala.
Ang laing nagsurender sa 38IB ang 37-year-old squad leader sa Sub-Regional Committee Daguma nga si alyas ‘Jose’,.
Dala ni Alyas Jose sa pagsurender ang usa ka caliber .38 pistol nga may lima ka buhing bala.
Gibutyag pa sa mga nasampit nga adunay mga kauban pa sila sa kabukiran ang magsurender.
Kini gumikan sa mapait nga nasinatian kung asa nagutman, gikapoy og gimingaw sa pamilya nga wala nila nakauban.
