Gikatakdang mag-courtesy call ug ipresenta karong adlawa sa lokal nga panggamhanan ning siyudad ang tulo ka miyembro sa Pencak Silat Philippine Team nga nakaangkon ug medalya sa nakalabay’ng Asian Games test events kaniadtong Pebrero sa Indonesia.
Atul sa programang Good Morning Philippines, gibutyag mismo ni Precious Jade Borre, taga-Lagao ning siyudad, gold medalist sa 9th UPSI International Silat Championship 2018 sa Malaysia, nga mag-courtesy call sila karong adlawa atubangan sa mga opisyal ug empleyado sa City Hall, atul sa ilang flag ceremony.
Si Borre nagkwalipika sa 2018 Asian Games nga matigayon sa Agosto 18 hangtod Setyembre 2, human nakasakmit ng silver medal sa natigayon nga Road to Asian Games Test Event 2018.
Ang lain pang duha mao silang Alamohaidib Abad, ug Alfau Jan Esmael Abad, nga kauban ni Borre nga nalakip sa delegasyon sa Philippine Team alang sa 2018 Asian Games, samtang ang usa nila nga kauban nga si Jaciren Abad nga taga-GenSan gihapon, ang pakyas nga magkwalipika sa nahisgutang torneo.
