GENERAL SANTOS CITY – Tulo ka hepe sa dakbayan ang nahatagan ug bag-ong assignments kini human nga nagpahigayon og paglahugay sa mga station commanders sa General Santos City Police Office.
Unang gi-relieve ang hepe sa Police Station 1 nga si Police Captain Abdulsalam Mamalinta og gibalhin sa Bula Police Station samtang si Police Major Ananias Vasquez nga gikan sa Police Station 8 ang gihulip.
Samtang gihulipan usab ni Mamalinta si Police Captain Nemecio Calipjo nga gibalhin sa Police Station 8.
Matud kang City PNP Director Police Colonel Gilberto Tuzon ang gihimong paglahugay sa mga station commanders usa ka pamaagi aron makita ang ilang katakos sa mga nasampit sama sa mga krimen nga gakahitabo sa ilang AOR.
Sa iyang pamahayag nga buot pasabot nga gi-relieve ang mga nasampit hinay ang ilang performance.
Gisiguro ni Tuzon nga pulos maaayo ang mga opisyal nga iyang gituboy isip station commanders nga makatabang sa pagpabilin sa kahapsay og kalinaw sa dakbayan.
