GENERAL SANTOS CITY – Napasakaan na og kaso ang tulo ka mga indibidwal human nga nasikop sa gipahigayung buybust operation sa Lacap Subd. Purok Lower Malakas, Brgy. San Isidro ning syudad.
Pinaagi sa hiniusang pwersa sa Philippine Drug Enforcement Agency (PDEA) 12 og San Isidro Police Station, nadakpan ang nagpangalang Justin Jancinal, 25 anyos, matador ug residente sa Purok Matatag, Barangay San Isidro nga maoy target sa operasyon ug naga-maintain sa drug den.
Ang laing mga kauban nga nasikop usab mao silang Josua Releva, 19 anyos nga residente sa Purok Cahilsot, Barangay Calumpang ug Acee Punla, 20 anyus nga nanimuyo usab sa Ma. Theresa, Yumang Village, Barangay San Isidro.
Matud ni Kath Abad, tigpamaba sa PDEA 12 nga ang tulo ang gikunsiderang high value target sa PDEA 12 og dugay na kaayong ginamonitor sa ilang ilegal nga gimuhaton.
Nakuha sa maong operasyon ang upat ka mga sachet sa gituohang shabu nga dunay gibana-banaang gibug-aton nga 15 ka gramos ug adunay gibanabanaang market value nga P102,000, drug paraphernalia’s, cellphone ug buybust money nga P1,000.
