GENERAL SANTOS CITY – Pulos nasikop ang tulo ka musikero sa gipahigayon nga buybust operation sa kapulisan human nakuhaan ug putos sa gituhu-ang shabu.
Unang nadakpan ang nagpangalan ug Adrian Alincumot Cabañog , 32 anyos nga taga Valencia Subd, Barangay City Heights ning syudad.
Human masikop sa mga otoridad gilayon nga gitudlo niini ang duha pa ka kaubanan nga gagamitan ug ginadili nga druga.
Kini mao silang Jose Rabino Asotilla , 32 minyo nga residente sa Jacinto Street, Zone 3 , Digos City ug Rolito Aguhob Malazarte, 30 anyos nga residente sa Purok 7, Poblacion Sulop, Davao del Sur pulos mga miyembro sa Speed Limit Reunited Band.
Human sa booking nga gipahigayon sa Lagao Police station ang tulo ang gipresenta sa piskalya alang sa kaso nga ipasaka sa mga nahisgutan.
