3 ka mga dinakpan nga nagtari-tari nakasuhan na

GENERAL SANTOS CITY – Nakasuhan na ang tulo ka mga dinakpan nga nagtari-tari.

Giila ni P/Major Wesley Matillano, chief of police sa Alabel Municipal Police Station ang mga dinakpan nga silang Norly Talino, Jose Orada og si Jimmy Mahinay nga pulos nga residente sa Spring, Alabel, Sarangani Province.

Gibutyag niini nga kaso kalabutan sa pagsupak sa PD 1602 o ilegal gambling ang giatubang sa mga dinakpan.

Sa pamahayag ni Matillano nga ang uban ang nakaikyas sa dihang miabot ang nagresponde nga kapulisan.

Kahibaluan nga hugot nga gidili ang panagtapok sa daghang tawo niining higayona gumikan sa COVID 19 pandemic.

Giangkon ni Matillano nga adunay gapahigayon og tari-tari sa ilang lugar ning higayona hinungdan nga ilang hugot nga gimonitor.