GENSAN – Aduna pay tulo ka kauban nga Pinay DH nga nahibilin didto sa Saudi nga nangayo usab ug tabang kaniya.
Kini ang gibutyag ni Lorezel Algarme, taga-Glan, Sarangani, sa pakighinabi sa Bombo Radyo, human siya makauli sa nasud.
Ang mga nahisgutan ang taga-Cagaya de Oro, Bohol ug Bacolod, nga buot na usab matud pang makauli sa Pilipinas.
Kahibaluan nga luya ug napuno sa bun-og ang lawas ug walay nadala pauli si Algarme aniadtong Sabado human miabut gikan sa Saudi Arabia.
Kini human nagpatabang dinhi sa sibyahanan ang iyang inahan ug mihangyo nga tabangan ang anak nga makapauli sa nasud tungod masakiton kining gipatrabaho, walay tulog ug wala ginapakon sa iyang amo.
Ug sa pakighinabi sa Bombo, gisaysay ni Algarme nga pipila ka oras una ang pagpauli sa nasud, gitagbo
matud pa kini sa duha ka babaye nga immigration officer ug sa atubang sa iyang amo nga babaye gihubuan siya ug tanang sapot dayon gitabangan ug laparo sa tulo ug gisipa-sipa.
Gikuha usab matud pa sa iyang amo ang bag-ong palit nga bag, alahas, celphone, mga pahumot ug kwarta, ug giputlan pa siya ug buhok.
