GENERAL SANTOS CITY- Patay ang tulo ka ISIS inspired Dawlah Islamiya terrorist group member sa panaglahi nga gipahigayon nga operasyon sa mga otoridad sa Polomolok South Cotabato.
Kung asa nagresulta sa shootout ang buybust operation sa pulisya sa target suspect nga si Demas Aminola Talib,husto ang panginadaron minyo ug residente sa Purok 5 Brgy. Koronadal Proper, Polomolok.
Sumala kang PCapt. Rommel Hitalia Deputy sa Polomolok Munisipal Police Station, nga giphigayon ang operasyon sa Prk San Miguel, Brgy Klinan 6 sa nasampit nga lugar kung asa nisulkol matud pa ang suspek human nga nagpabuto kini sa iyang armas tungod niini gibalosan sa mga otoridad hinungdan sa iyang kamatayon.
Narecover sa crime scene ang M26 fragmentation grenade, homemade single shot pistol, live ammunition sa shotgun, P500 buybust money, duha ka sachet sa ng gituuhang droga ug usa ka motorcycle. Nasayran nga si Talib responsible sa pag-ambush-patay kina PCpl Bitantos ug Pat Costelo ug pagpamusil patay kang Richard Simbron.
Samtang patay usab ang usa ka myembro sa Dawlah Islamiya human nga nangilog kini ug pusil sa iyang police escort nga paadto unta sa balay tambalanan alang sa medical examination niini human nga nasikop sa giphigayon nga manhunt charlie.
Naila ang suspek nga si Jomari Doma, 18-anyos nga residente sa Sitio Batotitik, Brgy Basag T’boli South Cotabato.
Nasayran nga ang ang suspek ang responsible sa pagpusil kang kanhing Barangay Captain Moner Kinjiyo. Kahibaloan nga na-neutralized sa pulisya ang buy-bust operation sa Prk 8, Barangay Sulit ang usa ka nagpangalan nga Joven Cabalo, residente sa Brgy Lapu Polomolok.
Kung asa napalitan usab kini ug usa ka sachet ang suspected shabu apan nakabantay kini nga pulis ang iyang katransakyon hinungdan nga nagpabuto kini maung gibalosan sa sa mga otoridad nga nagresulta usab sa iyang kamatayon.
Narekober sa crime scene ang P500 buy-bust money, pusil, bala, 10 sachet sa suspected shabu ug motorcycle.
