GENERAL SANTOS CITY – Mapasalamataon ang tulo ka mga konsehal sa dakbayan human nga nagnegatibo sa COVID-19.
Kahibaluan ang tulo ka mga konsehal nakaadto sa haya sa negosyante nga si Evelyn Te kung asa positibo ang usa ka anak niini nga adunay travel history gikan sa Manila.
Nasuta nga nahimong hisgutan sa dakbayan ang kabahin sa pag-adto sa sa anak niini sa haya human nga gikuha matud pa sa usa ka konsehal sa dakbayan human nga gitugtan matud pa sa usa ka opisyal sa City Health Office.
Sa pakighinabi kang GenSan City Councilor Atty. Jeng Gacal, dako ang iyang kalipay human nga masayran nga nagnegatibo siya sa maong makamatay nga sakit.
Sumala pa nga grabe ang iyang kabalaka sa iyang kondisyon dihang wala pa migawas ang resulta sa gihimong pagsuta kaniya.
Susama usab ang gipamulong ni GenSan City Councilor Lulu Casabuena kung asa nagpasalamat siya sa Kahitas-an lakip ang mga tawo nga nag-ampo kaniya.
Sumala niini nga gibalewala na lamang ang mga tawo nga mihatag kaniya og negatibong pahayag.
Nasayran nga lakip si Kagawad Rosalita Nuñez ang nagnegatibo usab sa pagsuta nga base sa mga istorya siya ang nagsundo sa anak sa namatay nga negosyante.
