GENERAL SANTOS CITY – Gipaniguro ni Kapitan Paolo Natividad sa Apopong nga tanan gihapon sa mga residente sa ilang barangay ang mahatagan sa ikaduhang hugna sa ihatag nga relief goods.
Matud pa niini, ang 1,360 ka sako sa bugas,17,000 de lata og 17,000 noodles ang gidalian na og repack sa iyang mga sakop aron masugdan pagpanghatag sa matag balay ning semana.
Gibutyag ni Kapitan Natividad, ang P4 million nga gipamalit sa 2nd batch nga relief goods gikan sa 20% sa local dev’t fund sa barangay.
Hangyo niini sa iyang mga constituents nga magpaabot lang sa dugang hinabang tungod naningkamot sila sa barangay nga madali tanan sa pagrepack.
Gihangyo ni Capt. Natividad nga magtinabangay ang tanan aron magpabilin nga hiway ang syudad sa coronavirus disease og mag-ampo alang sa proteksyon sa tanan.
