GENSAN– Giawhag ni Jorie Mae Balmediano, tigpamaba sa Office of Civil Defense(OCD) Region 12 ang publiko nga mopartisipar sa ipahigayon nga ikaduhang national simultaneous earthquake drill karong June 19.
Matud pa sa nasampit, matigayon kini alas 9:00 sa buntag kung asa dinhi sa rehiyon ang sentro sa aktibidad matigayon sa OCD-12 operating center nga nahimutang sa dakbayan sa Heneral Santos.
Sutaon ang kapasidad og kapabilidad sa mga miyembro sa Regional Disaster Risk Reduction and Management Council ilabina sa mga lider sa response cluster.
Gibutyag ni Balmediano, angayang masayran kung andam ba ang mga nahisgutan sa paghatag og tabang og assistance panahon nga adunay linog nga matigayon.
Gihingusgan usab ni Balmediano nga sa simpleng pagsunod sa ‘duck, cover and hold position’ dako ang posibilidad nga maluwas ang kinabuhi gikan sa kapeligrohan kung muigo ang linog.
