GENERAL SANTOS CITY – Baynte otso ang bag-ong kaso sa COVID 19 sa Region 12 base sa labing ulahing report sa DOH – Center for Health Development Soccsksargen Region.
Samtang 12 ang bag-ong nakarekober sa maong makamatay nga sakit. Sa 26 ka bag-ong kaso, lima ang gikan sa GenSan, lima usab sa Koronadal City, tag-duha sa Lake Sebu og Tboli, walo sa Tacurong, lima sa Isulan og usa sa Bagumbayan.
Samtang sa bag-ong nagmaayo sa sakit, siyam ang gikan sa GenSan, tag-usa sa Kalamansig, Palimbang og Tacurong City.
Nasayran nga nag-una ang Sultan Kudarat sa adunay labing daghan nga active cases o padayon pang nagpaayo nga mitala sa 129; gisundan sa GenSan nga may 109, ikatulo ang South Cotabato nga may 105, ikaupat ang North Cotabato nga may 89 og ang ikalima o ulahi mao ang Sarangani nga may 31 ka aktibong kaso sa covid 19. Sa katibuk-an, anaa sa 4,155 COVID-19 na ang kumpirmadong kaso sa Region 12 kung asa 463 kun 11% ang active cases, 3,544 kun 85% ang recoveries og 147 kun 3.54% ang COVID-19 related deaths.
