Gitaho sa Philippine National Police (PNP) nga nakatala sila og 28 kaso sa aksidente, lakip ang pagkalumos, sunog, ug aksidente sa kalsada, sugod nga magsugod ang pag-obserba sa Semana Santa.
Sumala sa PNP, 16 sa mga insidente mga kaso sa pagkalumos sa nagkadaiyang rehiyon, samtang adunay duha ka aksidente sa kalsada sa Metro Manila og Cagayan Valley.
Adunay tulo ka insidente sa sunog sa Metro Manila, Eastern Visayas, og Zamboanga Peninsula, og usa ka kaso sa arson sa Negros Island Region.
Bisag adunay mga insidente nga natala, sumala sa PNP nga nagpabiling malinawon ang pag-obserba sa Semana Santa 2025.
Samtang para usab sa seguridad adunay 68,465 nga mga pulis ang gipakatag sa tibuok nasod, lahi kini sa mga espesyal nga deployment sa mga simbahan, nag-unang kalsada, mga terminal, og uban pang pampublikong lugar.
Gitambagan usab ni PNP Chief Police General Rommel Francisco Marbil ang publiko nga mag-amping, musunod sa mga safety measures og gilayon nga ireport ang unsa mang insidente sa pinakaduol nga estasyon sa kapulisan sa inyong lugar.
