Nakatala ang Philippine National Police (PNP) og kinatibuk-ang 27 ka kaso sa kasamok sa adlaw sa piniliay.
Dakong bahin niini ang natala sa Mindanao, sama sa mga insidente sa pagpamusil ug pagbuto.
Sa Bangsamoro Autonomous Region in Muslim Mindanao (BARRM), tulo ka insidente sa pagpamusil ang nahitabo nga gisundan sa tulo ka pagbuto.
Lima usab ang namatay tungod sa mga insidente nga may kalabutan sa eleksyon sa rehiyon.
Sa Negros Island Region, duha usab ang namatay tungod sa election-related incidents samtang usa ang namatay gikan sa Zamboanga Peninsula ug Davao Region.
Sa tibuok pagpatuman sa liquor ban, moabot sa 232 ka tawo ang nasikop. Moabot na sa 167,319 ka mga pulis ang gipakatag sa tibuok Pilipinas aron masiguro nga hapsay, malinawon, ug luwas ang eleksyon.
Naglakip kini sa kinatibuk-ang 3,698 ka mga pulis nga nadestino isip special electoral board members sa Bangsamoro Region ug sa probinsya sa Abra.
