Nakabiya na ang 26 na Pilipino gikan sa Israel sa pinaagi sa boluntaryong repatriation program sa Philippine Embassy, sumala sa pamahayag sa embahada kagahapong adlawa
Giubanan sila ni Philippine Ambassador Aileen Mendiola ug sa DMW-OWWA team sa Allenby Border Crossing aron masiguro ang hapsay nga pagtabok gikan sa Israel paingon sa Jordan.
Gihikay usab sa embahada ang ilang transportasyon, transit visa, mga dokumento sa pagbiyahe, ug mga tiket sa eroplano.
Sa wala pa mobiya, nagpabilin una ang mga Filipino sa puy-anan sa Department of Migrant Workers (DMW) diin gihatagan sila og relief packages, libreng legal nga tabang, ug orientation alang sa ilang reintegration benefits sa ilang pagbalik sa Pilipinas.
Ang Department of Foreign Affairs (DFA) una nang mitaho nga ang grupo naglangkob sa 26 ka mga overseas Filipino workers (OFWs) ug usa ka turista.
