Mukabat og 26 ka sibilyan ang napatay sa tulo ka lugar saa rehiyon sa Kordofan sa Sudan, human sa mga atake nga gihimo sa grupo nga Rapid Support Forces (RSF).
Gibutyag sa Ministry of Foreign Affairs sa Sudan nga gitarget sa RSF ang mga sibilyan, lakip ang ospital sa El-Obeid diin 16 ka pasyente ang namatay ug daghan ang nasamdan.
Sa Al-Khiwai, walo ang napatay human giatake sa drone ang merkado. Sa Al-Dibaibat sa South Kordofan, duha usab ang napatay sa usa ka residential nga lugar.
Gipasanginlan usab ang RSF sa pagsunog sa mga bodega sa World Food Programme sa El-Fasher, North Darfur.
Nagpadayon ang kagubot tali sa Sudanese Armed Forces (SAF) ug RSF sukad pa kaniadtong Abril 2023, nga libuan na ka tawo ang patay og minilyon ka mga Sudanese mihawa gikan sa ilang mga panimalay.
