26 ka kaso nga may kalabotan sa anomalya sa flood control, gisang-at na sa Ombudsman

Misaka na sa 26 ang mga kaso nga may kalabotan sa mga flood control project nga gisang-at sa Office of the Ombudsman sa Sandiganbayan batok sa pipila ka senador ug kongresista.

Atol sa pagdungog sa Senado sa proposed budget sa Judiciary kagahapong adlawa, gikumpirma ni Sandiganbayan Presiding Justice Atty. Geraldine Faith Econg nga unang gisang-at sa Ombudsman ang kaso niadtong Nobyembre 18, 2025.

Ang pipila sa mga kaso naa na sa defense stage, samtang usa ka kaso ang gi-archive human dili masubay ang akusado.

Sumala kang Econg, posible nga adunay desisyon sa mga kaso sulod sa usa ka tuig kung masunod ang gitakdang proseso ubos sa Speedy Trial Act, nga mahimong mosangpot sa conviction o acquittal.