GENSAN- Andam na ang ipatuman nga seguridad sa kapulisan dinhi sa dakbayan alang sa 25th National Tuna Congress alayon kini sa Tuna Festival sa Gensan.
Matod ni Police Col Nicomedes Olaivar Jr., City Director sa General Santos City Police Office nga ang maong aktidad nga matigayon sa Septiyembre 2 ngadto sa 4 ang usa sa hatagan og hugot nga seguridad karong Tuna Fest kung asa 130 ka pulis gikan sa GSCPO ang magbantay.
Ang 25t National Tuna Congress, gipangunahan sa chairman niini nga si Kenrick Teng nagtinguha sa paghisgot sa mga paagi aron mas mapalig-on pa ang industriya sa tuna sa nasud.
Gipaabot nga 1,200 ang partisipante gikan sa tuna value chain industry leaders, policymakers, fishers, processors, scientists, development partners, ug youth stakeholders ang motambong sa maong aktibidad.
Ang tema sa kalihokan mao ang “National Tuna Congress @ 25: Renewing Commitments and Intensifying Strategic Partnerships” ug ipahigayon sa usa ka mall sa dakbayan.
