GENERAL SANTOS CITY – Mukabat sa 250 ang bag-ong kaso sa COVID 19, anaa sa 218 ang nakarekober og unom ang bag-ong namatay sa maong sakit sa Region 12.
Tungod niini, mukabat na sa 12,772 ang COVID-19 confirmed cases sa SOCCSKSARGEN, anaa sa 2,687 (21.04%) ang active cases, 9,686 kon 75.84% ang recoveries og 397 kon 3.11% ang nakabsan sa kinabuhi tungod sa maong sakit.
Sa report sa DOH – Center for Health Development Soccsksargen Region, ang South Cotabato na karon ang gapanguna nga may labing daghang kaso nga anaa sa 4,008.
Gisundan sa GenSan nga may 3,889, ikatulo ang Cotabato Province nga may 2,044 covid cases, ikaupat ang Sarangani adunay 1,440 ka mga kaso, og ikalima ang Sultan Kudarat adunay 1,391 ang natalang kaso.
Gapanguna gihapon ang South Cotabato sa adunay labing daghang aktibong kaso nga mitala og 849.
Samtang ang GenSan ang may labing daghang ihap sa COVID 19 related deaths sa rehiyon nga mukabat sa 127.
