Nakita sa surveillance camera ang pagbusikad sa train station sa Quetta, Pakistan kagahapong adlawa nga gikamatay sa 24 ka mga tawo ug pagkaangol sa 40 pa ka mga biktima.
Ang pagbusikad gikumpirma sa Senior superintendent sa police operations, Muhammad Baloch nga hinimu-an sa mga suicide bomber nga ila pang gina-imbestigahan.
Sa kasamtangan nag-atubang ug problema ang nasud Pakistan sa padayong pagsaka sa kaso sa mga pagpangatake sa mga separatista nga nga ethnic militants sa habagatang bahin sa Balochistan province samtang ang Islamist militants usab ang naa sa northwest.
Nakasinate usab ug pipila ka dekada na nga problema ang nasud sa insurgency aron guboton ang Balochistan nga nakamugna ug security concerns alang sa mga proyekto nga ibutang unta sa probinsya .
