Nakatakdang makapauli na sa Pilipinas ang 24 ka mga Pilipino nga nakulong sa Russia.
Ang maong balita nahitabo human sa duha ka adlaw nga pagbisita ni Pangulong Ferdinand Marcos Jr. sa Russia diin personal siyang nakigkita ug nakigpulong kang Russian President Vladimir Putin.
Matod ni Presidential Communications Office Secretary Dave Gomez, moabot ang mga Pinoy sa Ninoy Aquino International Airport (NAIA) Terminal 1 sayo sa buntag sa Domingo, Hunyo 21.
Adunay duha ka batch ang pag-abot sa nasod. Ang unang unom ka Pinoy moabot alas 12:05 sa kaadlawon sakay sa Philippine Airlines Flight PR 737, samtang ang 18 pa ka mga Pinoy moabot alas 4:05 sa buntag pinaagi sa Philippine Airlines Flight PR 733.
Ang duha ka biyahe gikan sa Bangkok, Thailand.
Dugang pa ni Gomez nga gisiguro sa Philippine Embassy sa Bangkok nga hatagan nila og tabang ang 24 ka mga Pilipino.
Sasalubongon ni Foreign Affairs Secretary Ma. Theresa Lazaro ang unang batch sa mga Pinoy nga gipapauli gikan sa Russia.
