GENERAL SANTOS CITY – Kinse ang nadugang sa mga ihap sa nakarekober gikan sa covid 19 sa rehiyon dose hinungdan nga misaka na sa 235 ang total recoveries sa maong makamatay nga sakit.
Kasagaran sa mga nagmaayo sa sakit ang residente sa South Cotabato Province nga ang labing bata nagpangidaron og 18 anyos.
Sa kasamtangan ang Soccsksargen Rehiyon anaa na sa 351 ang confirmed cases kung asa 111 niini ang aktibong kaso samtang lima ang patay.
Nanguna gihapon ang South Cotabato nga adunay labing daghang kaso nga mitala og 82 ka mga kaso, 54 ang nakarecover.
Dayon ang Sarangani nga adunay 72 ka mga kaso, 54 ang nakarecover, Sultan Kudarat adunay 67 ka mga kaso og 54 ang nakarecover.
Gisundan sa North Cotabato ug dakbayan sa GenSan nga adunay tag 49 ka mga kaso kung asa sa North Cotabato may 33 nga nakarekober sa sakit og ang GenSan 12 ang nagmaayo na.
Ang Cotabato City aduna usab 32 ka mga kaso, 28 ang mga nakarecover.
