GENERAL SANTOS CITY –Selos ang gitudlong rason nganong nahimo sa usa ka mister nga kutluon ang iyang kinabuhi pinaagi sa paghikog.
Dili makatuo ang misis ni si Rey Caniete, 27 anyos, negosyante ug isda, residente sa Prk Kulasi, Brgy Labangal ning dakbayan, nga mahimo niini nga maghikog sulod mismo sa ilang panimalay.
Kahibaluan nga una ang insidente, may natigayon matud pang grabeng panaglalis sa biktima ug ang iyang misis tungod sa selos.
Human sa away, nag-inom matud pa ang biktima dayon misulod sa ilang lawak. Ug nadiskubrehan na lamang sa amahan niini nga nagbitay na ang nasampit gamit ang nylon.
Gisulayan pa ug luwas ang biktima apan nakabsan gihapon sa kinabuhi.
Samtang, human ang gihimong pagsusi sa patay’ng lawas sa biktima, gikumpirma nga walay foul play sa pagkamatay niini.
Kasamtangang nagpabilin sa lokal nga punerarya ang patay’ng lawas sa nasampit nga mister.
