GENERAL SANTOS CITY – Gipaniguro sa kapulisan sa Malungon nga dili na makadagan pa ang mieskapo kaniadto nga piniriso nga si Junefer Zabala human madala sa presento gikan sa Tacurong Sultan Kudarat.
Matud ni Police Sr. Instr. Richard Pabalinas, OIc Chief of Police nga bantay sarado na ang nahisgutan human masikop miaging Abril kwatro didto sa Sultan Kudarat.
Gipaasikaso gilayon ni Pabalinas sa iyang mga imbestigador ang commitment order ni Zabala aron mabalhin na kini sa Provincial Jail sa Sarangani.
Kahinumduman nga gitugyan ngadto nilang Pabalinas ang suspek samtang gi-andam ang pagpasaka ug kaso nga Lugos.
Una kining nagpaila nga si Joel Zabala apan sa kaulahi-an nabisto nga ang naasoy nga tawo ang gipangita sa kapulisan sa Malungon.
Lakip nga gipasaka batuk sa suspek ang pagpusil niini sa usa ka Konsehal sa usa ka barangay sa Malungon.
