-- ADVERTISEMENT --
GENSAN- Kapin 23 ka mga drayber ang na-ticketan ug 10 ka mga sakyanan ang gi-impound human sa gihimong joint mobile patrolling ug checkpoint operation sa Traffic Enforcement Unit (TEU) ug Motorcycle Patrol Unit (MPU) kagahapon sa buntag.
Ang operasyon gipahigayon sulod sa AOR sa Police Station 1 hangtod 10 sa dakbayan sa General Santos subay sa RA 4136 ug mga may kalabutan nga ordinansa sa siyudad.
Tumong niini nga mapalig-on ang kaluwasan sa publiko ug mapugngan ang mga posibleng kalapasan sa balaod sa kadalanan.
Ang maong kalihokan gipangulohan ubos sa direktang pagdumala ni PLtC. Patrich A. Elma, Chief sa TEU Gensan ug PLtC. Roberto T. Fabregas II, Chief sa MPU, uban ang hustong koordinasyon sa nagkalain-laing police stations.
