Gianunsyo sa tennis star nga si Rafael Nadal sa iyang umaabot nga pagretiro sa pagdula.
Ang 38-anyos nga tennis player niingon nga ulahi na siyang moduwa sa Davis Cup Finals sunod buwan ug muretiro na alang sa kaayohan.
Dugang pa niya nga daghan siya og kasinatian sa tennis ug natuman niya ang iyang pangandoy sa tennis.
Pipila sa mga rason nga nakit-an sa Spanish tennis star kay aduna siyay mga injury nga hinungdan nga dili usab siya makaduwa sa ubang mga torneyo. Iyang giangkon nga naglisod siya sa maong desisyon nga moretiro.
“I am very excited that my last tournament will be the final of the Davis Cup and representing my country,” pahayag sini. “I think I’ve come full circle since one of my first great joys as a professional tennis player was the Davis Cup final in Seville in 2004.”
Kahinumduman nga katapusang nakaduwa si Nadal sa Paris Olympics diin gipildi siya ni Novak Djokovic sa ikaduhang hugna sa singles tournament ug nakaabot sa quarterfinals sa men’s doubles kauban ang laing Espanyol nga si Carlos Alcaraz.
