Mukabat sa 215 ang katibuk-ang ihap sa mga mibotar nga kongresista para sa impeachment ni Vice President Sara Duterte.
Gikan kini sa ihap sa mga magbabalaod nga 318.
Sa maaong numero, 255 ang mga magbabalaod gikan sa mga distrito og 63 magbabalaod gikan sa mga partylist.
Nagpasabot nga nalampasan sa Kamara ang target nila nga ihap nga 102 lamang.
Nasayran nga sa pagduso sa impeachment sa Kamara, kinahanglan lamang pg one-third sa tanan House members aron maduso ang reklamo.
Tungod niini, mipili na ang Lower House sa ilang prosecutors.
Ania ang mga napili nga mga prosecutors:
Rep. Gerville Luistro
Rep. Romeo Acop
Rep. Rodge Gutierrez
Rep. Joel Chua
Rep. Raul Angelo Bongalon
Rep. Loreto Acharon
Rep. Marcelino Libanan
Rep. Arnan Panaligan
Rep. Isabel Maria Zamora
Rep. Lawrence Defensor
Rep. Jonathan Keith Flores
Tungod niini, gipaabot nga ipadala na ang kopya sa verified complaint sa Senado.
Sa oras nga madawat nila kini, mag-convene ang mga senador isip Impeachment Court nga magtaral sa kaso.
Samtang, wala pa nagpagawas og pahayag ang buhatan ni VP Sara Duterte hangtod ning mga orasa.
