GENERAL SANTOS CITY – Gilaumang pangkasuhan ning adlawa ang 21 ka drug traffickers nga nasikop sa operasyon sa PDEA kauban ang hiniusang pwersa sa mga kapulisan og militar sa North Cotabato nga nagresulta usab sa pagkakumpiska sa P1 M kantidad sa shabu, mga armas og 12 ka motorsiklo nga gituohang gikarnap.
Matud ni PDEA Reg’l Director Gil Castro, patung-patong nga kaso sa paglapas sa RA 9165 kon Comprehensive Dangerous Drugs Act of 2002 ang ipasaka sa mga dinakpan nga nagpabiling balhug sa kabacan Police Station.
Gibutyag ni Castro, ang drug busts human ang gipatuman nga 27 ka search warrants sa Krislam District sa Kabacan, North Cotabato.
Ang 21 ka dinakpan ang miyembro sa gitawag Krislam drug group nga nalambigit usab sa carnapping incident sa Kabacan og daghan ang “guns-for-hire”.
Giila ang mga dinakpan nga silang Omar Udac Abdullah, Hadi Maulana Midtimbang, Anna Guiamandan Dinanalao, Alimar Salanduyan Pigcaulan, Ming Mia Gasi, Ebrahim Radsak Abo, Basir Padal Mohamad, Aludin Tabayag Gakit, Ali Badal Abo, Ebrahim Muat Guiamadil, Abdul Gakit Badal. Arestado usab silang Victor Sankay Beldik, Zainoden Edem Dayato, Noraisa Beldik Ebrahim, Lani Veldik Dayato, Bai Suelo Alon, Tobias Danglit, Marcialo Maligyan Suelo, Jorey Kamisec Suelo, Jerry Buada Cabalo, Baby Boy Cabalo og Allan Tanoyan Kabalu.
Kauban sa PDEA sa operasyon ang mga personahe sa 602nd Brigade Phil. Army og component-unit niini nga 7th Infantry Battalion, Kabacan Municipal Police Station og North Cotabato provincial police.
