GENERAL SANTOS CITY – Mukabat sa Three Hundred Twelve Thousand Pesos (P 312,000.00) ang natunol nga indemnity claims sa Philippine Crop Insurance Corporation sa 21 ka mag-uuma sa Alabel Sarangani.
Sa data nga gipagawas sa Office of the Municipal Agriculturist ang mga nakadawat ug insurance claims ang mga mag-uuma nga napatyan ug mga inalimahang mananap ug nadaut ang pananum nga apektado sa mukapin duha ka bulan nga hulaw.
Padayon usab ang panawagan sa nahisgutang buhatan ngadto sa mga benipisyaryo nga dili mawad-an ug paglaum sa pagtanum ug pagbuhi ug mga mananap sama sa kanding, kabayo, buffalo baka ug baboy.
Gani andam matud pa musuporta ang LGU sa mga mag-uuma ug mga mamumuo sa agriculture sector .
Nasuta nga sa Alabel ang may pinakadaghan nga registered agricultural workers, mananagat ug mag-uuma ang nagpatala sa Registry System for Basic Sectors in Agriculture nga usa sa rekositos aron maapil sa crop ug accident insurance program sa Philippine Crop Insurance Corporation.
