GENERAL SANTOS CITY – Mukabat sa 26 ang bag-ong kaso sa COVID 19 sa Region 12 base sa labing ulahing report sa DOH – Center for Health Development Soccsksargen Region.
Samtang 12 ang bag-ong nakarekober og usa ang namatay nga taga GenSan.
Sa 26 ka bag-ong kaso 21 ang gikan sa GenSan, usa sa Maitum, Sarangani, duha sa Lebak, Sultan Kudarat, og duha usab sa South Cotabato.
Nasayran nga ang GenSan ang may 520 ka kaso sa COVID 19 kung asa 113 ang active cases og 67 ang patay.
Ang South Cotabato ang may 1,252 ka kaso , 96 ang active cases og 29 ang nagtaliwan.
Ang North Cotabato ang may 479 ka kaso, 89 ang active cases og 24 ang patay.
Ang Sarangani ang may 468 ka kaso, 31 ang active cases og 15 ang patay. Ang Sultan Kudarat ang may 408 ka kaso, 118 ang active cases og 12 ang patay.
Sa katibuk-an adunay 4,127 COVID-19 ang confirmed cases sa Region 12, kung asa 447 o 11% ang active cases, 3,532 o 86% ang recoveries og 147 o 3.56% ang COVID-19 related deaths.
