Kumpirmadong luwas nga nakaabot sa Pilipinas karong adlawa ang 21 ka opisyal gikan sa local government units (LGUs) human sa ilang official study visit sa Israel.
Nakaabot sila sa NAIA Terminal 3 sa alas 5:55 kaganihang sayo sa buntag, sakay sa usa ka commercial flight.
Gisugat sila sa mga representante sa Embahada sa Israel sa Pilipinas, uban sa mga opisyal sa Department of the Interior and Local Government (DILG).
Ang ilang pag-uli human sa kasamtangang tensyon sa Middle East tali sa Israel ug Iran.
Sumala sa report, ang grupo sa mga LGU officials miapil sa mga exposure ug training activities sa agrikultura ug digital governance nga gipahigayon sa Jerusalem ug mga kasikbit nga lugar.
Gisiguro sa Embahada sa Pilipinas sa Israel nga wala niusa kanila ang naangol sa mga nahitabong missile attacks, ug ang tanang lakang gihimo aron sila makauli nga luwas.
Padayon gihapon ang monitoring sa uban pang Pilipino nga anaa pa sa Israel, samtang gi-awhag ang mga gustong magpa-repatriate nga makig-alayon dayon sa embahada o sa OWWA.
