GENERAL SANTOS CITY – Giablihan kagahapong adlawa ang ika-20 nga National Tuna Congress sa dakbayan sa pagpanguna sa chairman sa Tuna Congress nga si Joaquin Lu sa sektor sa panagat ug ni Mayor Ronnel Rivera sa LGU-GenSan.
Atul sa maong aktibidad mitambong si Department of Agriculture Secretary Manny Piñol isip dinapit bisita.
Atul sa pag-abli sa exhibit gibutyag ni Lu nga ang kinabuhi sa dagat ang maitande sa pagpangayam ug ang mga mananagat karon ang gihulagway nga mga modernong mangangayam nga gusto nga makadakop ug isda.
Samtang gibutyag ni Mayor Ronnel Rivera nga ang tinuig nga Tuna Congress ang usa sa gi-atangan nga panagtigum sa sektor sa panagat nga nagpaila sa GenSan sa langyaw nga kanasuran nga Tuna Capital of the Philippines.
Gani wala gililong sa Mayor nga daghan nga pagsulay na ang nahitabo apan nagpabilin nga mibarog ang panagat. Mahuman ang tuna congress karong adlawa Setyembre 7.
Samtang, giduso gayud sa Tuna Congress ang onse ka resolosyon ngadto sa senado ug sa kamara alang sa dugay ng hangyo nga kamugnaan sa Department of Fisheries.
Gipaklaro ni Rosanna Contreras sa SOCSargen Tuna and Allied Fishing Incorporated nga balik hangyo kini kang Pangulong Rodrogo Duterte nga paspasn ang kamugnaan sa nahisgutang ahensiya aron i certify nga mahimong urgent bill.
Gikadugang ni Contreras nga nagpatawag na kaniadto ug hearing ang Senado apan gibabagan sa department of Agriculture nga ibulag ang BFAR ngadto kanila.
Usa sa gikalibgan sa naasoy nga grupo nga ang Pilipinas na lamang ang adunay representante sa mga tigum sa ubang nasud nga department head ug dili Secretary.
Lakip sa gipasa nga resolosyon mao ang pag-awhag sa Department of Finance pinaagi sa buhatan sa Pangulo nga tan-awon ang pagpatuman sa TRAIN law human gisogyot nga tangtangon ang excise tax sa mga petroleum produtcs tungod kasagaran sa fishing Industry ang gagamitan ug krudo
