Gisugdan na ang paghisgot sa budget nga gamiton sa nasud sunod tuig pinaagi briefing sa Development Budget Coordination Committee (DBCC).
Gipangunahan ni Senate Committee on Finance Chairman Senadora Grace Poe ang diskusyon sa sogyot nga P6.352 trillion national budget alang sa 2025.
Mitambong sa briefing ang mga opisyal gikan sa Department of Budget and Management, Department of Finance, National Economic and Development Authority, Office of the President, ug Bangko Sentral ng Pilipinas.
Gibutyag ni Senadora Poe nga ilang siguraduhon ang transparency, accountability, rasonable nga paggamit sa pundo sa gobyerno. Una nga gianunsyo ni Poe nga ang pagsusi sa proposed national budget maabtan hangtud Oktubre 18.
Gani plano nila nga isumite ang committee report sa 2025 national budget aron maaprubahan ni Pangulong Ferdinand Marcos Jr sa unang semana sa Disyembre.
Una nang gipaniguro ni Senate President Francis Escudero nga ang mga ahensya lamang nga nanginahanglan ug confidential ug intelligence funds ang hatagan niini.
