Opisyal na nga natapos ang Paris Olympics human ang sobra duha ka semana nga dula nga napun-an og kasaysayan, inspirasyon, kontrobersiya, og ispiritu sa panaghiusa.
Gipahigayon ang seremonya sa Stade de France sugod alas tres kaganiha sa kaadlawon, oras sa Pilipinas kung asa gibanabanaan nga 9,000 ka mga atleta ang mitambong ug adunay 270 ka performers.
Human gipatukar ang national anthem sa France nga mao ang host nation, gipasulod ang flag bearers sa stadium kung asa adunay tig-duha ka atleta nga magrepresentar sa kada nasod og magtindog sa palibot sa stage.
Sa Pilipinas, ang nagadala sa flag sa nasud mao si two-time gold medalist nga si Carlos Yulo og ang bronze medalist nga si Aira Villegas.
Sa edisyon sa Olympiada ning tuiga, ang Estados Unidos sa Amerika ang nanguna sa medal tally inoras una ang closing ceremony.
Nahimo ini paagi sa nangin makahalawat-hawat nga hampang sang women’s basketball team sa tunga sang Team USA kag host nga France.
Ang USA nakasungkit og 40 gold medals, 44 silver og 42 bronze medals kung ang 126 ang katibuk-ang medalya nga nasakmit sa Paris Olympics.
Ang China anaa sa ikaduha nga rank nga 40 ka bulawan nga medalya ang nasungkit, adunay 44 silver og 27 lamang ang bronze medal, nga sa katibuk-ang mukabat aduna silay 91 nga medalya ang nasungkit.
Kini na ang ikaupat nga sunod-sunod nga Olympiada nga nanguna ang USA.
PILIPINAS, NAGAPANGUNA SA SOUTHEAST ASIAN NATIONS SA PARIS
Nanguna usab ang Pilipinas sa mga nasod sa Southeast Asia sa may pinakamaayo nga performance sa Paris Games.
Dungan sa ika-100 nga pagrepresent sa sa nasud sa Olympiada, nahimong kasaysayan usab ang nakuha niini nga duha ka gold medals og duha ka bronze.
Ang duha ka bulawan nga medalya ang pareho nga gikan sa 24-anyos nga gymnast nga si Carlos Edriel Yulo nga nagkampyon sa vault og floor exercise sa artistic gymnastics, samtang ang mga boksidor usab nga silang Nesthy Petecio og Aira Villegas ang nakabulsa og duha ka bronze nga mga medalya.
Kini nga performance sa Pilipinas ang nakalabaw pa sa nahimo niini sa Tokyo Games kung asa adunay usa kini ka gold medal, duha ka silver og usa ka bronze.
Sa Tokyo 2020, nahimong best performing nation usab ang Pilipinas sa Southeast Asia.
Ang Paris og Tokyo Games ang nagmarka usab sa labing-una nga higayon nga nakaangkon ang Pilipinas og multiple medals sa back-to-back Olympics.
Ikaduha sa Pilipinas karong nga tuig mao ang Indonesia nga adunay duha ka golds og isa ka bronze.
Ikatulo usab ang Thailand nga adunay unom ka medalya, usa lang ang gold.
