GENERAL SANTOS CITY – Posibleng ipadala sa Kampo Krame ang kadtong dili gayud makapasar sa BMI ukon Body Mass Index aron didto ipadayon ang programa.
Giklaro ni Lt. Col. Lino Capellan, tigpamaba sa Police Regional Office -12, hugot nga direktiba ni PNP Chief Gen. Archie Gamboa nga mahimong fit ug himsog ang tanang sakop niini sa tibuok nasud.
Gibutyag ni Capellan nga mokabat sa 200 ka mga opisyal sa kapulisan sa rehiyon ang sobra sa timbang ug ‘obese’ ang gitakdang mopailawom sa BMI program nga sa Marso 09 sugdan ang ‘schooling’ sa Regional Headquarters sa Brgy. Tambler.
Tumong niini nga mapaubsan ang ilang timbang.
Sa pamahayag ni Capellan nga pahumanay na usab ang napulo ka adlaw nga training sa 176 ka Police Non- Commissioned Officers luyo nga sa maong ihap aduna gihapon pipila ka PNCO ang magpabilin sa training center tungod wala makab-ot ang ensakto nga timbang.
Una nang giangkon ni Capellan nga sa dul-an sais-mil ka mga pulis sa rehiyon mukapin katunga ang sobra sa timbang.
