Labing menos 20 ka tawo ang namatay human miigo ang kusog nga 7.4-magnitude nga linog sa kasadpang bahin sa Colombia karong adlawa
Sumala sa United States Geological Survey o USGS, ang sentro sa linog nahimutang duol sa San José del Palmar sa Chocó, Colombia, ug may giladmon nga 107 kilometros.
Gikataho nga miuyog ang mga building sa nagkadaiyang siyudad, hinungdan nga nanggawas sa ilang mga balay ug establisemento ang mga residente.
Sa Cali, giingong kapin 20 ka building ang nahugno ug adunay mga tawo nga natanggong sa ilawom sa mga kaguba. Nagpadayon ang operasyon sa mga rescuers sa pagpangita ug pagluwas sa mga biktima.
Gikataho usab ang grabeng kadaot sa mga building sa Quibdó, diin adunay mga nasamdan.
Sa Manizales, nahugno usab ang usa ka bahin sa neo-Gothic cathedral ug nahulog ngadto sa nave.
Mibati usab sa kusog nga pag-uyog ang ubang bahin sa Colombia, lakip ang Bogotá ug Medellín, ingon man ang silingang nasud nga Ecuador.
Nagpadayon ang damage assessment ug rescue operations samtang gipaabot ang dugang nga opisyal nga impormasyon bahin sa epekto sa linog.
