GENERAL SANTOS CITY – Gihingusgan sa General Santos City Police Office kon GSCPO nga bisag sa natigayong pandemic padayon ang ilang kampanya batok sa nagkadaiyang mga kreminalidad.
Sa pamahayag ni tigpamaba sa GSCPO nga sa gipahigayon nga Simultaneous Anti- Criminality Law Enforcement Operation (SACLEO) ) sa miaging mga adlaw 15 ka operasyon nga nagresulta sa pagkadakop sa kapin sa 20 ka mga tawo.
Sa gihimong operasyon usab sa mga operatiba sa kapulisan sa dakbayan kauban ang PDEA Gensan-Sarangani Provincial Office, nasikop ang unom ka tawo sa Purok Masagana, Brgy. San Isidro ning syudad.
Nakumpiska sa operasyon ang upat ka sachet sa shabu nga may gimbug-aton nga 13 grams nga nagkantidad og P88,400 og nagkadaiyang mga drug paraphernalia og buy-bust money.
Ang kapulisan ang hugot nga gapahimangno sa publiko nga undangon na ang mga ilegal nga mga aktibidad gumikan dili sila muundang hangtud anaa pa ang mga nalambigit.
