Nihangyo si DPWH Secretary Vince Dizon sa Professional Regulation Commission (PRC) nga bawion ang lisensiya sa 20 ka mga personnel sa Department of Public Works and Highways (DPWH) nga nalambigit sa kurapsyon sa Office of the Ombudsman may kalabotan sa giingong mga anomaliya sa mga flood control projects.
Karong adlawa gisumite ni Dizon ngadto kang PRC Chairman Charito Zamora ang mga ebidensiya sa pagbakwi sa mga propesyonal nga lisensya sa mga enhinyero, accountant ug arkitekto nga lakip sa gitumbok nga mga ‘superstar’ sa flood control corruption scandal.
Kini naglakip sa Bulacan first district engineer Henry Alcantara ug kanhi assistant district engineers Brice Ericson Hernandez ug Jaypee Mendoza.
Si Zamora, sa laing bahin, niingon nga paspasan ang hangyo sa DPWH tungod kay komprehensibo ang mga ebidensya nga gipresentar.
