MALUNGON, SARANGANI – Baynte ka mga drug surrenderee sa ‘Balay silangan reformatory center’ sa PDEA sa Malungon Sarangani ang naka-gradwar na human nga gipailawom sa rehabilitation program.
Atol sa gipahigayong simpleng graduation ceremony kagahapon, mukabat sa 20 ka drug surenderee ang nakadawat og graduation certificate kung asa ang uban kanila ang nahimong emosyunal sa pagsaka sa entablado.
Ang mga nahisgutan unang batch nga naka-graduate sa Balay silangan human nga nakumpleto ang rehab program sulod sa tulo ka bulan.
Anaa ang presensiya ni Dionisio R. Santiago ang Director General for adminsitration sa PDEA atol sa graduation ceremony gawas pa mga opisyales sa LGU Malungon og representante gikan sa mga stakeholders nga partner sa maong programa sa PDEA.
Sa pagtapos sa drug rehab, adunay NC II sa welding ang naka-gradwar nga mga drug surenderee, farm assistance gikan sa Dept. of Agriculture og pwede gilayon silang magtrabaho sa tabang sa usa ka pineapple plantation.
Kahibaluan, ang Balay Silangan ang unang reformatory center sa nasud nga nag-operate og nakapahuman og mga drug surenderees.
