-- ADVERTISEMENT --
GENERAL SANTOS CITY– Ginahulat na lang sa Tambler Police Station warrant of arrest nga mugawas aron pormal nga dakpon ang duha ka suspek nga responsable sa pagpatay sa usa ka chairman sa asosasyon.
Matud pa ni PMajor Richard Ybanez, hepe sa maong presinto, napasaka na ang kasong murder batuk sa mga suspek nga silang Vincent Roy Valle og Bernie Dagala Supernales.
Pinaagi sa witness og statement sa pamilya na-trace-up og nailhan ang mga suspek . Kahibaluan nga unang ginatan-w nga motibo sa pagpusil patay kay Renato Solis 49 anyos residente sa Brgy Tambler mao ang bangi sa yuta.
Natigayon ang krimen niadtong June 19, 2020 duol sa Banisil Natl high School Diamond Brgy. Tambler ning syudad.
