GENERAL SANTOS CITY – Kustodiya sa kasundalohan ang duha ka miyembro sa New Peoples Army human nga nadakpan sa natigayong engkwentro sa Sitio Bagyang Brgy. Upper Suyan, Malapatan Sarangani Province.
Ang mga nasampit ang wala pa gipanganlan. Sa impormasyon gikan sa Malapatan Municipal Police Station, nakabayluanay ug buto sa sakop sa 73rd Infantry Battalion Philippine Army kagahapon sa buntag ang anaa sa napulo ka armadong kalalakin-an sa pagpanguna sa usa ka Alias Birteng.
Milungtad og napulo ka minuto ang bakbakanay sa duha ka grupo una hingpit nga miatras ang mga rebelde. Narekober sa encounter site ang M16 armalite rifle, carbine, og mga bala.
Samtang gibutyag nga walay nasamdan o namatay sa bahin sa militar.
Nagpadayon ang hot pursuit operation sa kasundalohan sa mga rebelde.
Ang mga nasampit gituohang miyembro sa Guerilla Front 71 – Far South Mindanao Regional Command..
