GENERAL SANTOS CITY – Kasamtangang nagpadayon pa ang ginahimong contact tracing sa nagkadaiyang rural health units personnel sa mga nakahimamat sa duha ka mga “sabungero” nga nagpositibo sa Covid-19.
Nasuta nga nagpabilin matod pang anaa sa stable ug maayong kondisyon sa panglawas sa duha, nga usa ang residente sa Purok Placida Brgy. Calumpang og ang lain pang usa gikan ang residente sa Barangay Fatima.
Gitutukan pagmaayo sa RHU team ang mga close contacts sa duha.
Una niini, gipanghingusgan ni Kapitan Arthur Ryan Dupalco sa Brgy. Calumpang nga gihimo sa barangay ug sa tig-dumala sa sabgungan ang tanan aron istriktong mapatuman ang health protocol atol sa sabong Calumpang Gallera apan dili matod pa nila mapugos ang tanang mitambong sa maong sabong sa pagdisplina sa ilahang kaugalingon.
Ang wala kayo matuman sa mga protocol mao ang pagsunod sa social distancing tungod daghan ang makalimot.
