GENERAL SANTOS CITY -Duha na ka person under investigation dinhi sa dakbayan ang naospital, luyo nga lima ang na-discharged og upat ang naka-home quarantine nga PUI.covid
Samtang adunay 521 ka person under monitoring ang padayong naka-home quarantine.
Kini basi sa ulahing datos sa COVID 19 tracker sa DOH Center for Health Development Soccsksargen Region.
Samtang mikunhod ang mga person under monitoring sa rehiyon kung asa gikan sa 1600 aging adlaw, anaa na lamang kagahapon sa 1,150 ang natalang PUM.
Gikan sa 85, anaa na lang sa 60 ang PUM sa Sarangani; 165 na lang ka PUM sa South Cotabato gikan sa 298; gikan sa 334, 221 na lang ang naka-home quarantine nga PUM sa North Cotabato; 82 na lang sa Cotabato City gikan sa 130 aging adlaw samtang gikan sa 202 ka PUM sa Sultan Kudarat, 101 na lamang ang nahibilin human nga 101 usab ang nakahuman sa home quarantine.
